Pages

Sunday, February 5, 2012

කවුදෝ ඔබ...



ඔබ කවුදැයි..
ඔබ කවුදැයි..
අසනා විට තවකෙක්..
දිව යුතු පිළිතුරක්
නොමැතිව..
මා ලතවන මොහොතක..

සිහිවිය.. සිහිවිය..
කිව යුතු යමක්..
ඔබටම සරිලන..
ඔබටම ගැලපෙන..

එලෙසින් සිතු දේ
මනසට වැටහෙන..
සියුමැලි බසකින්..
පැවසුවොතින් නම්..

හදවතට රිදුම් දෙන..
බෝල්ට් ඇණ දහසක් අතරට..
අහම්බෙන් පැමිණි..
තවත් එක්
මලකඩ ඇණයකි ඔබ..



පෝස්ට් එක කොහොමද ?

Sunday, January 22, 2012

සඳක අවසන් පැතුම



සඳ තරුකැට දිදුලන
අපගේ රාත්‍රියේ..

සිනහෙන පුංචි තරුවකට..
කුළුදුලේ පෑ ආල හැඟුමෙන්..
අඬගැසුවෙමි..
මේ අහස් ගැබ තුල
සදාතනික ප්‍රේමයක් උදෙසා..

නමුදු..

එ සොඳුරු තාරකාවෙන්..
නොලද රිසි පිළිතුරෙන්..
එතෙක් ලොව සැනහූ
මගේ සඳ කිරණද අවමව..
නැවත නො එනා එම..
ආලයේ කොමාවට
අවසානයේ තිත තබන ලදී...


පෝස්ට් එක කොහොමද ?



Sunday, January 15, 2012

ඔබ



පිපාසිත හදක පවස නිවනා
සිහිල් දිය දහරයි.. ඔබ..
දිය බිඳක් නොමැති කතරට වැටෙනා
සිහින් පොද වැස්සයි.. ඔබ..
විඩාබර සිතක් පහන් කරනා
සුමුදු හසකැනයි.. ඔබ..
නොනිමි වූ කවියකට පබදින
අවසාන පදයයි.. ඔබ..

අළුයමේ මිහිමතට වැටෙනා
ප්‍රථම අරුණැලියි.. ඔබ..
නිමක් නොපෙනෙනා රෑ අහසේ ඇති
එකම සඳවතයි.. ඔබ..
රෝසමල් යායකම පීදෙනා
එකම පිපි කුසුමයි.. ඔබ..
අරමුණක් නොමැති මා දිවියේ ඇති
එකම අරමුණයි.. ඔබ..


පෝස්ට් එක කොහොමද ?



Tuesday, December 27, 2011

මොහොතක අරුමය



දිනෙන දින මඩනා ..
හදේ සිතුවිලි ...
වියැකී යන..
එවන් මොහොතක..

පුරා මේ කල..
නොදුටු ඔබ රුව.
මනසේ ඇදී.....
මැකේ විගසින්...

යලිදු සිහියට..
නැගෙන විට ඔබ...
මගේ දෙනයන.
වැසී අවසන....

එනමුදු එය..
සදාකල් නොව..
මෙමා පිබිදෙන..
නිමේශයකට පමණි....



පෝස්ට් එක කොහොමද ?